जरिवाना वापतको कैद मिनहाका लागी कारागार चलान
, रौतहट २६ जेठ ।
जरिवाना तिर्न नसकेकोले जरिवाना वापतको कैद मिनहाका लागी जिल्ला कारागार पठाइएको जिल्ला प्रहरी कार्यालय रौतहटले जनाएको छ ।
अदालतको फैसला कार्यान्वयन अन्तर्गत अदालतबाट कैद तथा जरिवाना सजाय भई हाल सम्म फरार रहेका प्रतिवादीलाई विहीवार अं ११;०० बजेको समयमा ईलाका प्रहरी कार्यालय गरुडा रौतहटबाट खटिएको प्रहरी गस्ती टोलीले गस्ती गर्ने क्रममा गुजरा न.पा.वडा नं.६ खतवहिया टोलमा किर्ते मुद्दाका फरार रहेका प्रतिवादी बर्ष ६८ को जिकरुलाह अंसारीलाई पक्राउ गरी आवश्यक कारवाहीको लागी रौतहट जिल्ला अदालत गौरमा पठाइएको थियो ।
आठ लाख जरिवाना खुलेकोमा उक्त जरिवाना तिर्न नसकी जरिवाना बापतको कैद मिनहा गर्नको लागी जिल्ला करागार कार्यालय रौतहटमा पठाईएको जिप्रकाका सुचना अधिकारी उमाशंकर यादवले बताएका छन ।
