रौतहट भदौ ७ ।
विश्व बंधुत्व दिवस र राजयोगिनी दिदी प्रकाश मणि ज्युको १८ औं पुण्यतिथि अवसरमा ब्रह्मकुमारी राजयोग सेवा केन्द्र गौरले एक विशाल रक्तदान अभियान सम्पन्न गरेको छ।
कार्यक्रममा इन्जिनियर दिपेन्द्र यादव, वकिल शान्ति सुवेदी, अनुज झा लगायत ४१ जना स्वयंसेवकले रक्तदान गरेका थिए। आयोजक संस्थाका अनुसार यस रक्तदान अभियानले समाजमा मानवता र सेवाभाव जागृत गर्न टेवा पुर्याउने विश्वास गरिएको छ।
सम्बन्धित अन्य समाचार
सो अवसरमा सहभागी वक्ताहरूले विश्व बंधुत्व दिवसको महत्व र दिदी प्रकाश मणि ज्युको आध्यात्मिक योगदानको स्मरण गर्दै समाजमा एकता, प्रेम र सेवा संस्कृतिको आवश्यकता औंल्याएका थिए।
ब्रह्मकुमारी राजयोग सेवा केन्द्र गौरले आगामी दिनहरूमा पनि यस्तै सामाजिक, धार्मिक तथा सेवामूलक कार्यक्रम निरन्तर रुपमा गर्दै जाने प्रतिबद्धता जनाएको छ।
