, रौतहट ४ असार ।
हुलाकी सडक बडहर्वा छतौना रौतहट सर्लाहीको ठेकेदारले गरेको लापरवाहीका कारण सडक भत्कन थालेका छन ।
सडक मर्मत तथा निर्माण कार्य सडक छेउकै माटो खन्नी सडक मर्मत तथा निर्माण गरेकोले अहिले सडक भत्कन शुरु भएको छ ।
अहिले थोरै मात्रामा पानी परेको कारण सडक भत्कन शुरु भएको स्थानीयवासीले बताउँछन । अविरल पानी पर्न थाले पछि सडक नै विलिन हुने गरी बनाइएको सडक बालुवामा पानी हाले सरह भएको स्थानीय जितु ठाकुरले बताए ।
सडक निर्माण तथा मर्मत गर्नका लागी माटोले पुर्नु पर्नेमा बालुवाले सडक निर्माण तथा मर्मत गरेकोले बाटो निर्माण तथा मर्मतको कुनै औचित्य नभएको स्थानीयले आरोप लगाएका छन ।
हुलाकी सडक जनकपुरका प्रमुख कृष्ण महतोको मिलोमतोमा व्यापक सडकमा अनियमितता भएको स्थानीय वासी ठाकुरले बताए ।
प्रमुख महतोको मिलोमतोमा ठेकेदारले लपरवाही पुर्वक कार्य गरी रकम भुक्तानी लिन थालेको आरोप लगाएका छन ।
वर्षा हुने वितिकै सडक विलिन हुने सडक निर्माणले स्थानीयवासी अख्तियार दुरुपयोग अनुसन्धान कार्यालयमा उजुरी दिने तयारी गरी रहेको बताएका छन । यस सम्बन्धमा प्रमुख महतो सँग सम्पर्क गर्न खोज्दा फोन उठेन ।
