आयोगले लुलाको राजनीतिक अधिकार सुनिश्चित गर्न आग्रह

आगामी अगष्ट ३० तारिखसम्म ब्राजिलको राष्ट्रपतीय चुनावमा उम्मेदवार बन्नको लागि लुला आफैंले योग्य रहेको प्रमाण दिनुपर्नेछ । विपक्षी पार्टी र अन्य उम्मेदवारले उनमाथि निर्वाचनमा उम्मेदवार हुन अयोग्य रहेको भन्दै प्रश्न उठाएका छन् ।

लुला हाल भ्रष्टाचारको आरोपमा १२ वर्षको जेल सजाय काटिरहेका छन् । निर्वाचन अदालतले उनको उम्मेदवारी रद्द गरेपनि उनका वकीलले सर्वोच्च सङ्घीय अदालतमा उजूरी दिन सक्नेछन् ।

यदि उनको उम्मेदवारी अस्वीकृत भएमा लुलाको वर्कर्स पार्टीले सेप्टेम्बर १७ सम्ममा अर्को व्यक्तिलाई उम्मेदवार बनाउनेछ, र ती व्यक्ति उनकै मित्र फर्नान्डो हदाद हुनेछ ।

संयुक्त राष्ट्रसंघ मानव अधिकार आयोगले लुलाको राजनीतिक अधिकार सुनिश्चित गर्न आग्रह गरेको छ।

सभार – एभरेषट दैनिक