, रौतहट १० चैत्र ।
रौतहट जिल्लाका किसानहरुको लागी आएको सात करोड रुपैयाँ फिर्ता हुने स्थितिमा रहेको छ । २०७८ साल असोज ३१ गते देखि कार्तिक ३ गते सम्म अविरल वर्षा भई धानवाली नष्ट भएकोले विपत व्यवस्थापन समितिबाट धानवाली क्षति हुने साना किसान , मध्य किसान तथा ठुल्ला किसानका लागी आएको रकम फिर्ता हुन २७ दिन वाँकी रहेको छ । ६० दिन भित्रमा वितरण गरी किसान राहत पुरयाउन समितिको निर्देशन रहेकोमा ३३ दिन विति सक्दा स्थानीय निकायले क्षति भएको किसानको विवरण नपठाएकोले किसानको राहत हुने रकम फिर्ता हुने अवस्थामा रहेको छ । स्थानीय निकायका जनप्रतिनिधिले आफनो चुनाव लक्षित कार्य गरी रकम झवाम पार्ने अवस्थामा लागेकोले किसानको विवरण हाल सम्ममा नपठाएको बुझिएको छ । किसानका लागी आफु कार्य गर्ने गरी चुनावमा प्रचार प्रसार गरे पनि व्यवहारमा लागू देखिएको छैन । स्मरण रहोस २०७४ साल मा आएको बाढीले धनजन क्षति हुनुको साथै भौतिक सरचना पुर्ण रुपले नष्ट भएकोलाई क्षतिपुर्ति दिनका लागी आएको रकम समेत फ्रिज भएको थियो । १९ करोड रकम हाल सम्ममा वितरण भएको छैन । आपसी द्धन्द्ध तथा अस्वस्थ्य प्रतिस्पर्धाका कारण वितरण हुन नसकेको सम्बन्धित निकायले जनाएको छ ।
