चाँदी मोटरसाइकल सहित मानिस भन्सार चलान
रौतहट ९ कार्तिक ।
सात लाख सतहतर हजार नौ सय बिस रुपैया अठ्ठासी पैसा बराबरको चाँदी र अं. मुल्य रु.पचास हजार बराबरको मोटरसाइकल गरी जम्मा रु.आठ लाख सताईस हजार नौ सय बिस रुपैया अठ्ठासी पैसा बरावरको चाँदी, मो.सा. र मानिस आवश्यक कारवाहीको लागि आज गौर भन्सार कार्यालयमा चलान गरेको छ ।
विहीवार अं. ०८ः०० बजेको समयमा जिल्ला रौतहट गौर न.पा. वडा नं. १ स्थित गौर भन्सार कार्यालय अगाडी सडक खण्डमा खटिएका प्रहरी चेकिङ्ग टोलीले चेक जाँच गर्ने क्रममा भारतको बैरगनियाबाट गौर तर्फ आउदै गरेको बि आर ३० एफ ६६३५ नम्बरको मोटरसाईकल चालक माथि शंका लागि चेकजाँच गर्दा मोटरसाईकलको ट्याङ्की मुनि प्लाष्टिकको पोका भित्र लुकाई छिपाई राखेको चाँदीको पाउँजु लगायतका विभिन्न किसिमको गरगहनाहरु सहित देश भारत जिल्ला सितामढी बैरगनिया नगरपरिषद वडा नं.८ असोगी बस्ने अं. बर्ष ६२ को चन्देश्वर साह समेतलाई नियन्त्रणमा लिएको जिल्ला प्रहरी कार्यालय रौतहटले जनाएको छ ।
बरामद गरिएको गरगहनाहरु तौल तथा परिक्षण गराउँदा जम्मा तौल सात हजार एक सय सतासि ग्राम रहेको जिप्रकाले जनाएको छ ।
र सोको मुल्य रु सात लाख सतहतर हजार नौ सय बिस रुपैया अठ्ठासी पैसा मात्र रहेको जिप्रकाका सूचना अधिकारी दिपक कुमार रायले बताएका छन ।
