मोबाइल मोटरसाइकल सहित दुई जना मानिस भन्सार चलान
रौतहट ९ कार्तिक ।
मोबाइल मोटरसाइकल सहित दुई जना मानिस आज भन्सार चलान भएको छ । विहीवार अ.१७;५० बजेको समयमा अस्थाई प्रहरी पोस्ट सरुअठा बमनहरवाट खटिएको प्रहरी चेकिङ्ग टोलीले यमुनामाई गा. पा. वडा नं. ४ बमनहर चौक स्थितमा विभिन्न सवारी साधन तथा पैदल यात्रुहरुलाई चेकजाँच गर्ने क्रममा गौर तर्फबाट आउँदै गरेको ग ५ प ७२७१ नम्बरको मोटरसाईकललाई रोकी झोला र ब्यग चेक जाँच गर्दा भन्सार छली चोरी पैठारी गरी ल्याउँदै गरेको मोबाईलहरु फेला पारेको जिल्ला प्रहरी कार्यालय रौतहटले जनाएको छ ।
मोबाईल सहित जिल्ला रौतहट देवाही गोनाही न.पा. वडा नं. ४ बस्ने अ. बर्ष २५ को नितेश पटेल र ऐ. ए. बस्ने अ. बर्ष २२ को सचिन पटेल समेतलाई नियन्त्रणमा लिई अं. मुल्य रु.छयासी हजार छ सय पचास बरावरको मोबाईल थान ४३ , मोटरसाईकल–१ र मानिस–२ आवश्यक कारवाहीको लागी गौर भन्सार कार्यालय रौतहटमा दाखिला गरिएको जिप्रका रौतहटका प्रहरी नायव उपरिक्षक दिपक कुमार रायले बताएका छन । ।
