, रौतहट, २३ माघ ।
हात्तिपाइले रोग विरुद्धको औषधी खुवाउने अभियानको पत्रकार अन्तरकृया कार्यक्रम आज नेपाल पत्रकार महासंघ रौतहटको सभाकक्षमा सम्पन्न भएको छ । स्वास्थ्य कार्यालय रौतहटका प्रमुख सुरेश यादवले कार्यक्रम सफल पार्न संचारक्षेत्रको भुमिका अहम हुने बताए ।
स्वास्थ्य कार्यालय रौतहटद्धारा आयोजित पत्रकार अन्तरक्रिया कार्यक्रममा सम्बोधन गर्दै कार्यालय प्रमुख यादवले उक्त कुरा बताउदै नकरात्मक सन्देश सम्प्रेषण नगर्न आग्रह गरे ।
हातीपाइले रोग विरुद्धको अभियानलाई पूर्ण रुपमा सफल बनाउने कार्यमा समाचार, लेख, रचना, भिडियो क्लिपको माध्यमबाट संचार क्षेत्रको भुमिका अति नै महत्वपूर्ण रहने भएको हुँदा तपाईहरु आ आफना स्तरबाट यस अभियानलाई सफल बनाउन उनले आग्रह गरेका थिए ।
स्थानीय तहका प्रमुख, उपप्रमुख, प्रमुख प्रशासकीय अधिकृत र पालिका स्वास्थ्य संयोजकहरुलाई राखेर एक दिने अन्तरक्रिया कार्यक्रम सम्पन्न भएको यादवले बताए ।
फागुन ११ गते देखि २ साता सम्म जिल्लाको १८ वटै पालिकामा हात्तिपाइले रोग विरुद्धको औषधी खुवाउने अभियान संचालन हुन गइरहेको स्वास्थ्य कार्यालय गौरका खोप सुपरभाइजर महेश साहले बताए । अन्तरक्रिया कार्यक्रममा डा. दिलिप साहले हातीपाइले रोग को उदेश्य तथा लक्ष्य वारेमा जानकारी गराएका थिए ।नेपाल पत्रकार महासंघ रौतहटका सभापति प्रेमचन्द्र झाको अध्यक्षतामा जिल्लाका अधिकाँस संचारकर्मीको सहभागिता रहेको थियो ।
