काठमाडौं । संसदको विकास तथा प्रबिधि समितिको सभापतिमा कल्याणी खड्का चयन भएकी छिन् । समितिको निर्वाचनका लागि खड्काको मात्रै मनोनयन दर्ता भएको थियो । संसद सचिवालयका अनुसार इन्दु कुमारी शर्मा प्रस्तावक र गणेश पहाडीको समर्थनमा खड्काले उम्मेदवारी दर्ता गरेकी थिइन् । नेकपाले खड्कालाई समिति सभापति बनाउने निर्णय गरेको थियो । पार्टी निर्णयसँगै खड्का समितिको सभापति बन्ने सुनिश्चित भैसकेको थियो । खड्कालाई शुक्रबार निर्र्वा्चित घोषणा गरिनेछ । निर्वाचनका लागि बिहान ११ बजे समितिको बैठक बोलाईएको छ । नेकपाको केन्द्रिय सदस्य समेत रहेकी खड्का रौतहटबाट समानुपातिक सांसदमा निर्र्वा्चित भएकी थिइन् ।
