रौतहट २९ फागुन ।
भौतिक पुर्वाधार विकास मनत्रालयको जलस्रोत तथा सिचाई विकास योजनाबाट निर्माण हुने लालबकैया नदी नियन्त्रण शिलान्यास कार्यक्रम बुधवार सम्पन्न भएको छ । लाल बकैया नदी नियन्त्रण समिति गौर २ महादेवपर्टीद्धारा आयोजित शिलान्यास कार्यक्रममा प्रदेश न २ का सभासद बाबु लाल शाह कानुले गरेका छन । सो अवसरमा सभासद शाहले लाल बकैया नदीले किसानहरुको जग्गा कटान गरी क्षति पुरयाउने गरेकोले कटान रोक्न ठोक्करको निर्माण हुन लागेको बताए । बाढी तथा कटानले किसानलाई प्रत्येक वर्ष लाल बकैयाले बालीनाली सहित जग्गाको क्षति पुरयाउने गरेकोले ठोक्कर निर्माण पछि राहत हुने विश्वास लिएको उनले बताए । विरेन्द्र प्रसाद कलवारको अध्यक्षतामा संजित गिरी , भगत सिह , युवा नेता टिलु सिह लगायतका महानुभावहरुको सहभागिता रहेको थियो । ५५ लाखको लागतमा महादेवपर्टी तथा बन्जरहाको विचमा ठोक्कर निर्माण हुन लागेको बताइएको छ ।
