, रौतहट ३ असार ।
राजदेवी नगरपालिकाका औषधी खरिदमा व्यापक अनियमितता भएको आरोप उपमेयर अंशु सिहले लगाएकी छिन । १९ लाख ९९ हजारमा कोटेशनबाट खरिद भएको औषधी स्टोरमा दाखिला भएको देखिए पनि स्टोरमा औषधी नभएको उनले बताइन् । स्टोरमा राखिएको औषधी पटक पटक हेर्नका लागी आफुले तागेता गरे पनि मेयर धिरेन्द्र सिह तथा निमित प्रशासकीय अधिकृत सजय पाण्डेले आल टाल गर्दै आएको आरोप उपमेयर सिहले लगाएकी छिन । स्टोरमा औषधी दाखिला नभए पनि भुतmानी दिएको उनले बताइन् । औषधी देखाउन आनाकानी गरेकोले आफुले स्टोरमा अर्को ताल्चा लगाएको उपमेयर सिहले बताइन् । ७० किसिमका औषधीका लागी कोटेशन भए पनि थोरै किसिमको औषधी स्टोरमा रहेको बताइन् । औषधी खरिदमा भएको अनियमितता वारे छानविन गर्न सम्बन्धित निकायसँग माग गरेका छन । सोमवार राति मेयरले स्टोरमा ताल्चा तोडेको आरोप लगाएकी छिन । निशुल्क वितरण गर्ने अस्पतालको औषधी ९ वटा दाखिला नभएको आरोप उपमेयरले लगाइन् । यसै गरी राजदेवी नगरपालिकाले प्रेस विज्ञप्ति प्रकाशित गरी दोस्रो नगर सभाबाट आर्थिक वर्ष २०७५।०७६ मा औषधी आपुर्तिका लागी २० लाखको शिल्ड कोटेशन आहवान गरेकोमा १५ वटा शिल्ड कोटेशन फार्म भरेको जनाएको छ । सो मध्ये सब भन्दा कम रेटमा ७ लाख ३८ हजार १ सयमा न्यू पशुपति मेडिकल हल चन्द्रपुरले सकार गरी सोही अनुसार औषधी आपुर्ति गरेको जनाएको छ । नेपाल सरकार स्वास्थ्य विभागको छाप भएको तथा सरकारले निशुल्क औषधी उपलब्ध गराउने भनी उल्लेख भएको औषधी स्वास्थ्य कार्यालयमा उपलब्ध गराउने प्रावधान रहेको छ । निजि औषधी पसलमा विक्री गर्न नपाउने ७० किसिमका औषधी मध्ये ६३ किसिमका औषधी दाखिला भएको जनाएको छ । नगरपालिकामा कार्यालय भवनको अभावले गर्दा कृषि ,पशु , आयुर्वेदको औषधी सवै एकै कोठामा राख्न नभ्याएकोले २ वटा कोठामा औषधी राखिएमा एउटा कोठामा राखेको औषधी गिन्ती गरी वाँकी ९ किसिमका औषधी अर्को कोठामा राखेकोमा गिन्ती नै नगरी विभिन्न किसिमका समाजिक संजालमा भ्रामक न्यूहरु आएकोले ध्यान आर्कषण भएको विज्ञप्ति मार्फत जनाएको छ ।
