, रौतहट २९ माघ ।
जिल्ला प्रशासन कार्यालय रौतहटले सरस्वती पुजाको नाउँमा शुल्क वा चन्दा नअसुल्ने परिपत्र गरेको छ । जिल्लाका सम्पुर्ण स्थानीय निकास , शिक्षा विकास तथा समन्वय इकाई , सामुदायीक विद्यालय र संस्थागत विद्यालयहरुलाई सरस्वती पुजाको नाउँमा चन्दा वा शुल्क नलिन जिप्रकाले परिपत्र गरेको हो । जिप्रकाका प्रमुख जिल्ला अधिकारी इन्द्रदेव यादवद्धारा हस्ताक्षरित आज जारी गरिएको पत्रमा फाल्गुन ४ गते मनाइने सरस्वती पुजा भतिm भावका साथ विधिपुर्वक मनाउन हुन आग्रह गरिएको छ । पुजा मनाउन ठुलो धनराशी नलाग्ने भएकोले सरस्वती पुजाको नाउँमा विद्यार्थी वा अभिभावक सँग कुनै किसिमको शुल्क वा चन्दा नअसुल्ने , डिजे बाजा प्रयोग नगर्ने ,अश्लिल तथा छाडा गीत नबजाउनेको साथै विसर्जन कार्यमा बाल बालिकाको प्रयोग नगर्नु हुन जानकारी लागी अनुरोध गरिएको परिपत्रमा उल्लेख छ । जारी गरिएको परिपत्र सम्बन्धित निकायलाई बोधार्थ पनि गरिएको छ ।
