, रौतहट ११ कार्तिक ।
नेपाल पत्रकार महासंघ केन्द्रिय समितिका सचिव तथा कार्यक्रमका प्रमुख अतिथि दिपेन्द्र चौहानले प्रदेश न २ का सरकारका मुख्य मन्त्री लाल बाबु राउत गदी प्रति घोर आपति जनाएको छ । नेपाल पत्रकार महासघ जिल्ला कार्य समिति रौतहटद्धारा आयोजित नेपाल पत्रकार महासंघ प्रदेश न २ का वरिष्ठ उपाध्यक्ष रामानन्द गुप्ताको श्रद्धाजञली सभालाई सम्बोधन गर्दै सचिव चौहानले गुप्ताको अस्पतालमा उपचार हुदाँको वखतमा प्रदेश सरकारले कुनै सहयोग नगरेको प्रति आपति जनाएको हो । वरिष्ठ उपाध्यक्ष गुप्तालाई हेलीकोप्टरबाट काठमाण्डौ लगेको भए निको हुने सम्भावना रहेको बताउदै विराटनगर अस्पतालले डिस्चार्ज गरे पछि पुनः त्यही अस्पतालमा लैजानु नै हाम्रो भुल भएको उनले बताए । पत्रकारितालाई वदनाम गर्ने जो कोहीलाई पनि कार्यवाही गर्न महासंघ रौतहट शाखालाई निर्देशन समेत उनले दिएका थिए । सोही अवसरमा केन्द्यि सदस्य केसी लामीछाने ,प्रदेश न २ का महासचिव श्याम वन्जरहा , महासंघका प्रदेश सदस्य शैलेन्द्र झा , भारतका पत्रकार अर्मेन्द्र तिवारी ,पूर्व अध्यक्ष शैलेन्द्र गुप्ता , रविन्द्र शाह , पत्रकार प्रभात झा लगायतका वतmाहरुले वरिष्ठ उपाध्यक्ष गुप्ताको जिवनी वारेमा चर्चा गरेका थिए । नेपाल पत्रकार महासंघ जिल्ला कार्य समिति रौतहटका अध्यक्ष प्रेमचन्द्र झाको अध्यक्षतामा जिल्लाका पत्रकारहरुको सहभागिता रहेको थियो । वरिष्ठ उपाध्यक्ष गुप्ताको गत शुक्रवार निधन भएको थियो ।
