पिकअप गाडी सहित ठूलो परिमाणमा सुन्तलाका बिरुवा बरामद
, रौतहट १७ असार ।
एघार लाख एकतिस हजार चार सय मूल्य कायम भएको सुन्तलाको बिरुवा सहित पिकअप गाडी शसस्त्र प्रहरीले आज भन्सार बुझाएका छन ।
सोमवार ११ः३० वजेको समयमा राजदेवी न.पा.–२ सिर्सिया ईलाकामा सशस्त्र प्रहरी बल, नेपाल सुरक्षा बेश फतुहा रौतहटबाट खटिई गएको गस्ती टोलीले गोप्य सूचनाको आधारमा अबैध रुपमा भन्सार छली भारतबाट नेपाल तर्फ प्रदेश २–०३ ००१–च ४६७५ नम्बरको योद्धा पिकअपमा राखी ल्याउदै गरेको चार हजार तीन सय असी पिस सुन्तलाको बिरुवा सहित पिकअप बरामद गरेको छ ।
आवश्यक कारबाहीको लागि गौर भन्सार कार्यालय रौतहटमा बुझाउँदा सुन्तलाका बिरुवाको मुल्य रु. एक लाख एकतीस हजार चार सय र पिकअपको मुल्य रु.दश लाख गरी जम्मा भन्सार मुल्य रु एघार लाख एकतिस हजार चार सय कायम गरी बुझाइएको सशस्त्र प्रहरी बल, नेपाल नं. ११ गण हे.क्वा. रौतहटले जनाएको छ ।
