सम्बन्धित अन्य समाचार
१८, जेठ, तनहुँ । तनहुँको आबुखैरेनी-२ नारीघाटमा रोकेर राखेको एक्साभेटरमा अज्ञात समुहले शुक्रबार विहान आगजनी गरेको छ ।
पृथ्वीराजमार्ग छेउमा पार्किङ गरेर राखेको एक्साभेटरमा शुक्रबार बिहान आगजनी गरेको पाइएको प्रहरी निरीक्षक सन्तोष रोक्काले बताए ।
एसजी रोडा ढुङ्गा कम्पनीका ग १ क ३१८८ नम्बरको एक्साभेटरमा आगजनी भएको हो । आगजनीबाट एक्साभेटरको मुख्य भाग जलेर पूर्ण रुपमा क्षति भएको छ ।
कसले के कारण आगजनी गरेको बारे खुल्न सकेको छैन । यसबारे थप अनुसन्धान भैरहेको प्रहरी निरीक्षक रोक्काले जानाकारी दिए ।
