रौतहट ८ भाद्र ।
गौर नगरपालिका १ मा पुरानो शिव मन्दिरको शिलान्यास वडा अध्यक्षद्धारा सम्पन्न भएको छ ।
करिव ९० वर्ष अघि निर्माण भएको शिव मंन्दिरको अवस्था जीर्ण भइसकेकोले नयाँ मन्दिर निर्माणका लागी आज शुक्रवार शिलान्यास भएको हो । गौर नगरपालिकाको सहयोगमा निर्माण हुन लागेको शिव मन्दिरको शिलान्यास वड़ा अध्यक्ष भरत साहले गरेका हुन ।
धर्मावलम्बीहरुको विशेष आग्रहमा मन्दिरलाई नया तरीकाबाट आकर्षक डिजाइनको मन्दिर निर्माण गर्न लागिएको वड़ा अध्यक्ष साहले बताए । १२ धुर जग्गामा चारै तर्फबाट पर्खाल र विचमा शिवको मन्दिर तथा सानो मन्दिर पार्वतीको बनाइने नक्सा तयार गरिएको छ । दुईवटा मन्दिर र त्यसको तीन तर्फबाट फूलको बोट , तथा बृक्ष लगाइने बताएका छन । मन्दिर प्रवेश गर्न एउटा आकर्षक रुपमा मुख्य गेट रहने वड़ा अध्यक्ष साहले बताए ।
५० लाखको लागतमा निर्माण हुने मन्दिरको भूमि पूजन समारोहमा गौर नगरपालिकाका प्रमुख अजय कुमार गुप्ता ,प्रमुख प्रशासकीय अधिकृत सुमन कार्की , वड़ा अध्यक्ष राम स्वार्थ यादव , राजेश सिंह , राकेश झा , समाजसेवी मोहन साह कानू लगायतका सहभागिता रहेको थियो । मन्दिर निर्माणका लागी शिलान्यास भएपछि वड़ाका धर्मालम्बीहरु हर्षित भएका छन ।
