रौतहट ८ गते साउन
जिल्ला प्रहरी कार्यालय रौतहटका टोली ले गौर नगरपालिका वडा नं. ३ बि.पि. चोकबाट २५ लाख सहित एक जनालाई पक्राउ गरेको छ । पक्राउ पर्नेमा जिल्ला रौतहट गढीमाई नगरपालिका वडा नं. ७ बस्ने वर्ष २३ को अजमतुल्ला अन्सारीले बोकेको कालो रङको झोलामा नेपाली रुपैयाँ पचिस लाख सहित पक्राउ परेका हुन । निजलाई प्रारम्भिक सोधपुछ तथा अनुसन्धान गर्दा उक्त रकमको भरपर्दोश्रोत खुलाउन नसकेको हुँदा कानुन बमोजिम रुपैयाँ बरामद गरी निजलाई आवश्यक अनुसन्धानको लागि पक्राउ गरिएको बताइएको छ । प्रारम्भिक अनुसन्धान पश्चात आवश्यक कारवाही तथा थप अनुसन्धानको लागि रुपैयाँ सहित निजलाई ७ गते साउन सम्पति शुद्धिकरण विभाग, हरिहर भवन पुल्चोक ललितपुर पठाईएको छ । साउन ६ गते दिउँसो १ वजे गोप्य सुचनाको आधारमा पक्राउ गरिएको जिप्रका रौतहटले जनाएको छ ।
