रौतहट २४ असार ,
मोटर साइकल चोर सहित मोटरसाइकल नियन्त्रणमा लिएको जिल्ला प्रहरी कार्यालय रौतहटले जनाएको छ । मगलवार सााझ ४ वजे जिप्रकाबाट प्र.नि. पपु नायकको कमाण्डमा खटि गएको क्राइम टोलीले जिल्ला रौतहट गौर नगरपालिका वडा नं.१ भंसार कार्यालय अगाडी द्यच्ण्टद्यम्(द्दडण्ट नम्बरको द्दण्ण् सि.सि.को कालो रंगको प्लसर चेक जाँच गर्दा मोटरसाईकल चोरीको भएको खुल्न आएकोमा मोटरसाईकलमा सवार भारत आरा जिल्ला पकडी घर भई हाल जिल्ला रौतहट गौर नगरपालिका वडा नं.१ कानुपट्टी डेरा गरी बस्ने वर्ष २१ को निरज कुमार सिंह र भारत विहार मोतिहारी जिल्ला बैरगीनीया बस्ने वर्ष २० को प्रदिप कुमार सिंह सहित मोटरसाईकल नियन्त्रणमा लिएको थियो । निजहरुको प्रारम्भिक अनुसन्धान पश्चात गौर नगरपालिका वडा नं.१ मा कोठा भाडामा लिई आएकोमा कोठाको खानतलासी गर्दा भारतबाट अबैध रुपमा भंसार छली ल्याएको एक लाख पैतालीस हजार बराबरको कपडा बरामद गरीएको प्रहरीले जनाएको छ । निजहरुलाई यस कार्यालयको हिरासत राखी थप अनुसन्धान कार्य भईरहेको जिप्रकाले जनाएको छ । सो मो.सा. कोही कसैको हराएको वा चोरी भएको भए जिल्ला प्रहरी कार्यालय, गौर, रौतहटमा सम्पर्क गर्नु हुन अनुरोध गरिएको छ ।
