, रौतहट १५ बैशाख ।
रौतहटका सञ्चारकर्मीहरुले अनाथालयमा सहयोग गरेका छन् । सञ्चारकर्मीहरुले पाएको सहयोग आफूले नलिई अनाथालयलाई हस्तान्तरण गरेका हुन् । नेपाल कम्युनिष्ट पार्टी नेकपा नगर अध्यक्ष मोहन मेहता संचारकर्मीलाई खाद्यान्न तथा व्यक्तिगत सरसफाइ सामग्री हस्तान्तरण गरेको थियो ।
नगर अध्यक्ष मेहताले नेपाल पत्रकार महासंघ रौतहट शाखाका सचिव गौतम श्रेष्ठलाई हस्तान्तरण गरेको सामग्री मध्ये गौर नेपाल भारत मैत्री अनाथालयलाई चार बोरा खाद्यान्न तथा अन्य सामग्री हस्तान्तरण गरिएको हो । यसै गरी वंशीराम जयसवाल अनाथालय गरुडा लाई १५ बोरा चामलका साथै अन्य सामग्री हस्तान्तरण गरेका छन । बोरामा २५ किलो बासमती चामल भएको सचिव श्रेष्ठले बताए । चामलको बोरासँगै दाल, नून, खानेतेल, साबुन, सेनेटाइजर, हैन्डवास, टूथ पेस्ट, ब्रस लगायतका सामग्री पनि रहेका थिए । दिनरात जोखिममा रहेर काम गर्नुपर्ने सञ्चारकर्मीहरुले आफ्नो भागको खाद्यान्न तथा सरसफाइ सामग्री अनाथालयलाई हस्तान्तरण गरेकोमा संस्थापक वंशीराम जयसवालले अनाथ बालबालिकाहरुको तर्फबाट धन्यवाद व्यक्त गरेका हुन ।
