, रौतहट १६ भाद्र ।
हिरासतमा रहेको एक थुनुवा सोमबार वेलुका फरार भएको छ । जबरजस्ती करणी आरोपमा गौर प्रहरी हिरासतमा रहेको गौर नगरपालिका–४ का २२ वर्षीय रोहितकुमार यादव फरार भएको हो ।
नेपाल निर्माण व्यवसायी भवनमा बनाएको क्वारेन्टाइनमा राखेका यादब शौचालयको झ्यालबाट भागेको प्रहरीले जनाएको छ । एक १७ वर्षीया युवतीलाई जबरजस्ती करणी गरेको आरोपमा यादवलाई रौतहट प्रहरीले आइतबार पक्राउ गरेको थियो । उनलाई सोमबार म्याद थपेर कोरोनाको पिसिआर परीक्षणका लागि सो भवनमा क्वारेन्टाइनका रुपमा राखेको प्रहरीले जनाएको छ । पिसिआर रिपोर्ट नआएसम्म प्रहरीले पक्राउ परेकालाई क्वारेन्टाइनको रुपमा कडा सुरक्षामा बाहिर राख्ने गरेको थियो ।
