, रौतहट १७ भाद्र ।
गुजरा नगरपालिका–६ का वडाध्यक्ष सकिल अन्सारीले कोरोना संक्रमणमुक्त भई घर फर्केको खुसीयालीमा मोटरसाइकल –याली निकाल्दा झडप भएको छ । झडपमा दुवै पक्षका ७ जना घाइते भएको इलाका प्रहरी कार्यालय चन्द्रनिगाहपुरले जनाएको छ । झडपमा वडाध्यक्ष पक्षका खतवैया गाउँका सदिक अन्सारी, शारदा देवी, प्रमिला चौधरी, वकिल अन्सारी, मोजमिल अन्सारी घाइते भएका छन भने गाउले तर्फ जयदा खातुन, शेष नसिब घाइते भएका छन । निषेधाज्ञाको अवज्ञा गर्दै गुजरा नपा ६ का वडामा –याली निकाले पछि गाउले र वडा अध्यक्षको विचमा मंगलवार राति झडप भएका हुन । कोरोना संक्रमणको रिपोर्ट नेगेटिभ आएको खुसीयालीमा करीव २० वटा मोटरसाइकलमा ४० जना भन्दा बढी मानिस –याली मा निस्केको थिए । वडाध्यक्ष अन्सारीलाइ कोरोना संक्रमण पुष्टि भएपछि भदौ ९ गते चन्द्रपुरको चाँदीपार्क आइसोलेसन कक्षमा राखिएको थियो । वडाध्यक्ष सकिल अन्सारीसँग सम्पर्क गर्दा आफु जनतासँग भेटघाट गर्न गइ रहेको अवस्थामा विपक्षी नेपाली काग्रेसका शेख सकउलाहले म माथि लाठी प्रहार गरेको बताए ।
