,रौतहट २६ भदौ ।
पुर्व उर्जा राज्य मन्त्री सत्यनारायण भगतले डुङगा दुर्घटनामा परेका परिवारजनलाई उचित क्षतिपुर्ति तथा दोषीलाई कारबाई गर्न माग गरेका छन । मगलबार पुर्व उर्जा राज्य मन्त्री भगतले डुङगा दुर्घटनामा परेका परिवारजनसँग छलफलको क्रममा उतm माग गरेको बताए । पप्पु कन्ट्रक्शनका प्रोपाइटरले समयमा पुल निर्माण नगरेकोले डुङगा दुर्घटना भएको दावी पुर्व राज्य मन्त्री भगतले ठोकुवा सो अवसरमा गरे । लाल बकैया नदीमा पुल निर्माण कछुवाको तालमा गर्दै आएको उनले आरोप लगाए । पुल निर्माणको समय अवधी समाप्त भए पनि पुल निर्माण नगराएको उनले भने । पुलको पिलर नदीको बिच भागमा रहेकोले ठोक्कर खाएर डुङगा दुर्घटना भएको बताए । आफुले जनताको पिडालाई ध्यानमा राखेर कारबाईको माग गर्दै आएको मन्त्री भगतले बताए । पुल निर्माणको क्रममा खनेको खाल्टोमा डुवेर एक जनाको मृत्यु पहिला पनि भएको स्मरण उनले गराएका थिए । शहिदलाई १० लाख रुपैयाँ दिदै आएकोले डुङगा दुर्घटना परिवारजनलाई पनि १० लाख दिनु पर्ने धारणा राखेका थिए । हाल सम्ममा २ लाख २५ हजार प्रदेश सरकार , गौर नगर पालिकाले १ लाख १५ हजार , भौतिक योजना राज्य मन्त्री डिम्पल झाबाट २५ हजार र जिल्ला प्रशासन कार्यालय गौरबाट १ लाख घोषणा प्रति पिडित परिवारजनलाई गरेकोले अव ५ लाख ५० पप्पु कन्ट्रक्शनबाट राहत दिनु पर्ने माग उनले गरेको बताए ।
